«ЖҮЛГЕСІ ҮЗІЛМЕГЕН 115 ЖЫЛ»

ҚР Ұлттық кітапхананың 115 жылдығына арналған

 Республикалық ақындар мүшәйрасы туралы

Е Р Е Ж Е

1.     Жалпы ережелер

1.1.           «Жүлгесі үзілмеген 115 жыл» Республикалық ақындар мүшәйрасы 115 жылдық тарихы бар Ұлттық кітапхананың ғасырдан астам тарихы мен рухани мұрасын кеңінен дәріптеуді, жаппай цифрландыру заманында кітап пен кітапхананың құндылығын айқындауды, сондай-ақ, кітапханашылардың еңбегін көркем сөзбен бағалауды көздейді.  

1.2.          Осы Ереже мүшәйраны өткізу және ұйымдастыру тәртібін, қатысу        шарттарын анықтайды.

1.3.          Мүшәйраны ұйымдастырушы - Қазақстан Кітапханалар одағы мен Қазақстан Жазушылар одағы

2.     Мүшәйраның мақсаты мен міндеті

2.1.          Ұлттың руханиятын, кітап оқу мәдениетін және қазақ поэзиясын насихаттау арқылы қоғамның әдеби-мәдени өмірін жандандыру;

2.2.          Ақындардың шығармашылығына жаңа серпін беріп, үздік туындыларды оқырманға ұсыну және оларды арнайы жинаққа енгізу;

2.3.          ҚР Ұлттық кітапхананың 115 жылдық мерейтойын кеңінен насихаттау;

2.4.          Кітапхана мен кітапханашылардың қоғамдағы рөлін дәріптеу;

2.5.          Ақындардың жаңа заман тақырыптарындағы шығармашылығына жол ашу.

3.     Мүшәйра қатысушыларына қойылатын талаптары мен шарттары

Қатысушылар төмендегі екі бағыттың бірін немесе бірнешеуін таңдау арқылы өз туындыларын жолдай алады:

3.1.          «Ұлттық кітапхана – мәңгілік қазына»

·        115 жылдық тарихы бар ҚР Ұлттық кітапханасының өткен жолы мен рухани мұрасын жырлау;

·        Ұрпақ сабақтастығы мен білім ордасының маңызын айшықтау.

3.2.           «Кітапханашы – рух шырақшысы»

·        Кітапханашылардың қоғамдағы еңбегін көркем бейнелеу;

·        Кітапханашы мен оқырман арасындағы қарым-қатынасты дәріптеу;

3.3.           Мүшәйраға қатысу шарттары:

·        Мүшәйраға Қазақстанның барлық аймағынан ақындар қатыса алады;

·        Қатысушылар бұрын жарияланбаған жаңа өлеңдерін ұсынады;

·        Бір ақын әр бағыт бойынша бір өлең жолдай алады;

·        Шығармалар көлемі еркін, қазақ тілінде жазылуы тиіс;

·        Мүшәйраға қатысатын ақындардың жасына шектеу қойылмайды.

4.     Мүшәйраны өткізу және ұйымдастыру тәртібі

4.1.          Мүшәйраға қатысушының шығармасы 2025 жылғы 15-желтоқсанға  дейін қабылданады. Қатысушы өзінің аты-жөнін, байланыс деректерін (телефон, e-mail), қысқаша өмірбаянын қоса жолдауы қажет.

4.2.          Материалдар электронды пошта арқылы қабылданады. Байланыс деректері (осы Ереженің 4.7.) тармағында көрсетілген.

4.3.          Республикалық ақындар мүшәйрасының қорытындысы 2025 жылдың  желтоқсан айында өтетін ҚР Ұлттық кітапхананың  115 жылдығына арналған іс-шара аясында жарияланады (нақты күні қосымша хабарланатын болады).

4.4.          Елге танымал көрнекті ақындар мен ардагер кітапханашылардан құралған Қазылар алқасы мүшәйраға ұсынылған материалдарды қабылдап, сараптайды және жеңімпаздарды анықтайды.

4.5.          Мүшәйраға қатысушылардың ең үздік деп танылған туындылары ҚР Ұлттық кітапхананың 115 жылдығына арналған арнайы жинаққа енгізіліп, жарық көреді.

4.6.          Жалпы жүлде қоры – 1 000 000 теңге:

·        І орын – 500 000 теңге;

·        ІІ орын – 250 000 теңге;

·        ІІІ орын – 150 000 теңге.

     Ынталандыру жүлдесі – 50 000 теңгеден 2 адамға ұсынылады.

4.7.          Мүшәйраны ұйымдастыру және өткізу мәселелері:             

                Алматы қ., Абай даңғылы, 14

                E-mail: kitaphana.mushaira2025@gmail.com

                Тел.: 8 747 545 3767 – Қанат Алтынбек.

Ескерту: Мүшәйраға жолданған шығармалар қайтарылмайды.

                Ұйымдастыру комитеті ережеге сәйкес келмейтін материалдарды

                қабылдамауға құқылы.