Владимиров Владислав 1939 жылы 14 сәуірде Шымкент қаласында дүниеге келген.

1963 жылы ҚазМУдің филология факультетін бітірген. Филология ғылымдарының кандидаты.

«Алматинская правда», «Огни Алатау», «Вечерняя АлмаАта» газеттерінде, Қазақ КСР Жоғарғы Кеңесінің Президиумында, Қазақстан Компартиясы Орталық Комитетінде жауапты жұмыстар атқарған. «Керек адам», «Ер есімін бағалай біл», «Туған жердің желі», «Жалынның жарқылымен бірге», «Қауышудың қайнар көзі», «Қолғаппен және қолғапсыз», «Комиссарға не дейміз?», «Қарапайым Ивановтар», «Үзіліссіз қойылым», т.б. көптеген деректі және көркем прозалық кітаптардың авторы. «Бернули заңы» романы қазақ тіліне аударылған.

«Құрмет Белгісі», Еңбек Қызыл Ту ордендерімен, медальдармен марапатталған.