Болат Қанатбаев (1950–1998) - 9 мамырда Түрікменстанның Красноводск ауданында туған. Еңбек жолын мұнайшы болып бастады. Қазақ мемлекеттік университетінің журналистика факультетін бітірген. «Жалын», «Жазушы» баспаларында, Қазақстан Жазушылар одағында қызметтер атқарған. Алғашқы әңгімелері «Арман қанатында» атты ұжымдық жинаққа енген. «Көшпелі бұлттар», «Ақ құм – алтын жағалау», «Теңізден ескен жел» атты көркем прозалық кітаптардың авторы.