Эльза Ульмер 1944 жылы 27 қаңтарда Алматы облысының Тельман атындағы ауылында туған.

Алматы педагогикалық шет тілдер институтын бітірген. Қазақ радиосында неміс тіліндегі хабарлар редакциясының меңгерушісі, «Фройндшафт» газетінің меншікті тілшісі, «Нойес лебен» газетінің тілшісі болып істеген.

Тырнақ алды туындылары 1971 жылы «Нойес лебен», кейіннен «Фройдншафт» газетінде жарияланған. Содан бері үздіксіз «Хайматлихе вайтен» альманахында, «Роте фанс» газетінде жарық көріп келген. Ол 1972 жылы «Прогресс» баспасынан шаққан «Живет во мне надежда» атты ұжымдық жинақ авторларының бірі. Сондай-ақ оның туындылары «Мой Казахстан» (1978, А., «Жалын»), Далекие журавли» (1980, М., «Советский писатель»), Близкие дали» (1984, А., «Жазушы») атты жалпы жинақтарға, «Қазақстан» баспасы шығарған неміс жазушыларының үш томдық антологиясына енген.

Шығармалары: Опора жизни. Стихи. А., «Қазақстан», 1980; Морские камешки. Рассказы. Стихи. А., «Қазақстан», 1983.